TUGAS CARPON BAHASA SUNDA
Dipidamel ku:
X Matematika Sains 3
Rostika Nurlaela Nova Maya Sofa
TUGAS NU MAEHAN SIMKURING
Geus biasa unggal peuting kuring
ngapalkeun jeung ngerjakeun tugas ti Sakola nu mangrupa kawajiban kuring jadi
siswa SPG nu singkatan tina Sekolah Perguruan Guru. Kuring ti leutik keneh
hayang pisan jadi guru. Teuing aya naon tina guru teh tapi mudah-mudahan we
atuh kuring bisa jadi guru. Aamiin, tapi teu diomongkeun oge nya katempo pisan
tina ngaran sakolana oge kuring teh hayang pisan jadi guru.
Saacanna
kuring rek nyarita, kenalkeun ngaran kuring Tono. Kuring boga indung jeung bapa
ngarana mamah Yayat jeung bapa Ayat. Unggal poe mang Eman sok bebersih
ngabantuan indung jeung bapa di hereupeun imah, dibantuan ku budakna Juned,
jadi di imah teh teu rarehe teuing pas indung bapa kuring damel di Pabrik.
Hiji
poe kuring sibuk pisan, tapi teu sasibuk indung jeung bapa damel di Pabrik.
Kuring boga tugas leuwih ti 5 pelajaran. Atuh kuring teh langsung ngerjakeun
tugasna nu mangrupa kawajiban kuring tea. Ti mimiti pelajaran matematika, basa
indonesia, fisika, sejarah, biologi, ah jeung nu sajabana we pokona mah.
Kulantaran poe isukna kuring teh bakal diajar matematika, fisika, jeung sejarah
di Sakola, kuring ngautamakeun ngerjakeun tugas tilu pelajaran eta.
Bismillah,
ngerjakeun tugas dimimitian peuting harita. Saperti biasa ngerjakeun tugasna
pas geus solat magrib. Langsung we ngampar di tengah imah mawa kabeh buku, gek
diuk dihareupeun tipi, muka buku matematika terus mawa patlot keur ngotretna.
Kedeker we kuring teh harita sorangan ngerjakeun tugas bari sakali-kali nonton
tipi supaya teu jenuh da bapa jeung mamah mah gening damel. Manglila-lila
kuring ngerjakeun tugas bari sakali-kali nonton oge tapi hasilna alhamdulillah
beres. Atuh tutup weh buku matematika mah. Atuh tugas anu kaduana kuring
langsung ngaanggeuskeun tugas fisika. Kulantaran kuring resep fisika jadi weh
ngerjakeun teh asa teu lila tapi pas nempo jam mah hate teh ngarenjag sabab
geus jam sabelasan. Teu karasa pisan ngerjakeun tugas teh geus tengah peuting
deui.
Nya
ari biasana mah kuring jam sakitu teh geus kamana deui meureun biasa gening
ngajelajah di pulau kapuk, tapi tugas sejarah can anggeus nya wayahna we kuring
teh nyita waktu sare kuring poe eta. Panon teh meureun geus lima wat mah tapi
da kumaha. Kuring maksakeun maca buku sejarah asa inget teu inget ngerjakeun
tugasna oge bari gogoleran. Tipi oge masih hurung dina cenel warta.
“trok...trok...trokk...” sora panto ti
luar. Hate jol ngarenjag, teu percaya wayah kieu bet aya nu keketrok ti luar
sakitu geus tengah peuting. Diantepkeun we ku kuring harita bari langsung
neruskan ngerjakeun tugas sejarah. “ trok...trok...trok...” sora anu keketrok
deui ti hareupeun imah. Bari ngawani-wani sorangan harita kuring langsung
ngorepat ka panto hareup. Saacanna panto dibuka, kuring ngalamun heula naha
bisa aya tamu tengah peuting kieu. Kuring noong heula mastikeun tina jandela
bari mukakeun hordeng saeutik. Katempo ti jero teh di luar aya mahluk nu make
baju serba hideung da kapoekan. Atuh hate kuring teh rancug geumpeur sieun teu
puguh rarasaan harita, dek dibuka sieun tapi lamun teu dibuka bisi tamu bapa nu
peuting-peuting datang kadieu sabab bapa kuring oge ngajabat jadi pupuhu RT.
Ah, pokona mah jadi bingung tah pas didinya
teh sabab kuring mah lalaki oge tapi kompodan. Bulak balik bingung, da lamun
dibukakeun pantona sieun jelema anu dek nyilakakeun kuring da apaleun unggal
poe kuring sok sorangan di imah. Aduh, kuring geus kaditu kadieu teu puguh rasa
tapi lila kalilaan kuring ngawanikeun sorangan we bari ngompod oge peuting
harita teh. “cekrekkk..” sora konci panto diputerkeun. Gagang panto diteken
lalaunan bari dikenyang saeutik-saeutik. Nololkeun hulu heula kaluar bari asa
was-was. Pas ditempo teh diluar euweuh sasaha.
Harita hate kuring langsung ratug teu
puguh, sieun pisan. Kuring harita langsung mikir nu negatip, panto langsung
dipangpengkeun langsung lumpat ka kamar bari teu inget panto geus dikoncikeun
atawa henteuna. Kuring langsung buburanyat lumpat ka kamar dikurubun ku simut
bakatning ku sieun. Terus-terusan istigfar bari ngaderegdeg geumpeur. Pamikiran
kuring ngalayang teu puguh. Kadenge deui aya sora keketrok ti luar . Bulu
punduk langsung muringkak, sieun pisan. Kuring nganiatkeun sorangan rek muka
panto tapi raga kuring teu satujueun alias meureun kuring teh kabina-bina
sieunna. Geus sabaraha kali mah meureun eta mahluk keketrok di luar tapi ku
kuring pantona teu dibuka-buka sabab sieun. Sakali ngadangu keketrok ti luar,
sakali oge kuring ngarenjag reuwas bari teu puguh rarasaan. Tapi teuing teh
boseneun meureun nu keketrok teh jol euweuh ngaleungit teu kadenge deui sora nu
keketrok. Ti dinya mah hate teh mimiti rineh deui, bari mukakeun simut
lalaunan.
Kuring nyoba ngawanikeun ngabuka panon
lalaunan bari nyanghareup ka panto kamar. Pas nempo saeutik-saeutik kuring
nempo aya jelema remeng-remeng dina lawang panto duaan. Harita kuring ngarenjag
bari langsung peureum deui supaya teu nempo mahluk nu aneh dihareupeun panto
kamar. Pikiran jol ngalayang kana lamunan nyadarkeun kuring yen tadi pas lumpat
ka kamar teh panto imah nu hareup teh can dikoncikeun tapi teuing ketang. Tapi
dina pikiran kuring harita meureun eta nu duaan teh indung jeung bapa kuring nu
karek mulang ti gawena di Pabrik.
Kulantaran rada atoh dina ngalamun, teu
nyadar panon langsung nempo ka hereupeun panto kamar ngeun pas nempo teh mahluk
nu dua tadi geus euweuh tapi katempo keneh ngaleos jiga ka dapur. Kuring nyoba
ngawanikeun sorangan nuturkeun di tukangeunna lalaunan bari kompod oge. Kuring
nutur-nutur ti tukang mastikeun eta mahluk jeung asa teu puguh rarasaan bari
rada remeng-remeng deuih. Pas kuring nuturkeun ti tukangeunna manehna ka ciri
rek ngalieuk ka tukang , kusabab kuring sieun katempoeun nuturkeun manehna
kuring langsung nyumput di tukangeun panto.
Lila kalilaan kuring nololkeun deui ti
tukangeun panto. Langsung neangan manehannana tapi teu kapangih wae. Kuring
neangan kaditu kadieu teu mangihan hiji jejak manehna. Kuring neangan manehna
ti mimiti ka ruang tengah imah, ruang tamu, dapur, nepi ka kukurilingan
ngurilingan imah euweuh pisan ciri yen aya jelema asup ka imah kuring. Kuring
langsung ngacek konci panto hareup tapi gening geus dikonci. Jadi beuki aneh
tah peuting harita. Kuring loba ngahuleng mikiran saha nu tadi ka imah kuring.
Naha bener kitu indung jeung bapa kuring ? atawa saha? Pas kuring rek balik ka
kamar, kuring langsung ngarenjag mahluk nu tadi aya dihareupeun kuring. Kuring
langsung peureum bari nyoba nenangkeun hate naha napas.
Teu puguh pisan kuring kudu kumaha. Kuring lalauan
ngalengkah ka sisi langsung lumpat niat ka tengah imah ngeun pikiran jol nyadar
harita kaayaan poek jeung asa tiris pas beunta kuring teh jol aya di tukangeun
imah deukeut kebon awi.
diantos krisarna nyaa :)
Tidak ada komentar:
Posting Komentar